مەودا میدیا- سازگار ئەحمەد

نانی بەیانی یەکێکە لە ژمە گرنگەکان دەبێت بزانین لەو ژەمەدا چ خواردنێک گونجاوە بۆ خواردن و خۆمان لە خواردنی چی بەدووربگرین، ئەمانەی خوارەوە چەند رێنماییەکن کە پزیشکان بۆ نانی بەیانی پێشنیازیان کردووە، ئەوانیش:

1- بەیانیان دوور بکەوەرەوە لە خواردنە سورکراوەکان, چونکە دەوڵەمەندن بە چەوری و کالۆری و هەندێکجار خوێ، بۆ نمونە خواردنە سورکراوەکان لەوانەیە مەترسی قەڵەوی و بەرزبوونەوەی فشاری خوێن و ئاستی کۆلیسترۆڵ زیاد بکات، هەموو ئەمانە هۆکارن بۆ تووشبوون بە نەخۆشی درێژخایەن.

2- لە نانی بەیانیاندا دووربکەوەرە لە خواردنی گۆشتی لە قوتونراو، چونکە چەوری و خوێی تێدایە بە رێژەیەکی زۆر.

3- دەکرێت نانی بەیانی درەنگ بخورێت، بەو پێیەی کاتی نانی بەیانی زۆر نەرم و نیانە و پێویست ناکات راستەوخۆ دوای بەخەبەرهاتنەوە لە خەو بیخۆن، هەروەها پێشنیازدەکرێت کە بەجێبهێڵرێت بۆ کاتێکی دیاریکراو لەنێوان ژەمەکان کە هەستی برسێتی کەمدەکاتەوە.

4- واباشتر بەیانیان گرنگی زیاتر بە خواردنی شیرەمەنییەکان بدرێت یاخود خواردنەوەی شەربەتی میوە بەتایبەت پرتەقاڵ.

س.ر