تەندروستی
چەند سوودێکی لیمۆندۆزی بۆ تەندروستی ئاشکراکرا
مەودا میدیا - سلێمانی |
مەودا میدیا-
دکتۆر کامه‌ران رسوڵ ژاژڵه‌یی، پسپۆڕی زانستی خۆراک ئاماژەی بەوەکردوە، لیمۆندۆزی ئەگەر لە ئاوی میوە دروستکرا بێت کۆمەڵێک سوودی تەندروستی هەیە، کە گرنگترینیان ئەمانەن:
دکتۆر کامه‌ران رسوڵ ژاژڵه‌یی، پسپۆڕی زانستی خۆراک ئاماژەی بەوەکردوە، لیمۆندۆزی ئەگەر لە ئاوی میوە دروستکرا بێت کۆمەڵێک سوودی تەندروستی هەیە، کە گرنگترینیان ئەمانەن:
1. کاراکردنی پڕۆسەی میتابۆلێزم و چالاککردنی پڕۆسەی دەرهێنانی وزە لە خانەکان .
2 . یارمەتی باشتر هەڵمژینی کانزاکان وەک زینک، مەگنسێوم و کالسێوم .
3 . کەمکردنەوەی ئەگەری دروستبوونی بەردی گورچیلە بەهۆی بوونی ترشی ستریک کە وادەکات پێکهاتنی بەردی گورچیلە کەمبکاتەوە .
4 . پاراستنی تەندروستیی پێست: بە هۆی بوونی بڕێکی زۆر لە ڤیتامین C کە گرنگە بۆ دروست بوونی کۆلاجین، هەروەها ترشی ستریک بەکاردەهێنرێت لە پیشەسازی دەرمانی هەوکردنی پێست, کرێم و لۆشنی پێست.
5 . یارمەتی خۆپاراستن دەدات لە نەخۆشییەکانی پۆکانەوەی دەمار و هەوکردنی درێژخایەنی جگەر چونکە دەوڵەمەندە بە مادە دژەئۆکسانەکان .
زیانەکانی لێمۆندۆزی :
لیمۆندۆزی بەرهەمهێنراو لە مادەی کیمیاوی لە کارگانەکان پێویستی بە توێژینەوەی زیاترە بۆ زانینینی ئەوەی کە بە کارهێنانی زیانی هەیە یاخود نا، هەروەها زۆر بەکارهێنانی بە بەردەوامی و بە بڕی زۆر rەنگە ببێتە هۆی ئەم زیانانەی خوارەوە:
1 . خورانی چینی مینای ددان و هەستیاری ددان و زەردبوونی و دواتر کلۆر بوونی ددان .
2 . ئاوسانی جومگەکان و نەرم بوونەوەی ئێسقان.
3 . سووربوونەوە و هەستیاری پێست.
4 . ئازاری چاو: ئەگەر بەر چاو بکەوێت، لەو حاڵەتەدا پێویستە چەند جارێک چاو بە ئاو بشورێت.
5 . ئازاری گەدە و دڵەکزێ و دڵ تێکەڵهاتن زیاتر دەکات.
سەرچاوە سروشتییەکانی لیمۆندۆزی :
پێش کڕینی لیمۆندۆزی پێویستە سەرچاوە سوشتییەکانی بزانرێت کە گرنگترینیان ئەمانەن:
-لێمۆ، سندی، پڕتەقاڵ، گریەیپ ڤرووت.
هەروەها بە رێژەیەکی کەمتر هەیە لە:
-شلیک، بلوبێری، گێلاس، تەماتە، ئەنەناس.
ر. ئ
ر. ئ
بیروڕا
