کوردستانی
سوپای پاسداران: ئۆپراسیۆنەکانمان بەردەوام دەبێت
مەودا میدیا - سلێمانی |
مەودا میدیا-
قەرارگەی حەمزەی هێزی وشکانی سوپای پاسداران رایگەیاندووە، بەیانی ئەمڕۆ لە باکووری عیراق هێرشیان کردووەتە سەر بنکە و بارەگاکانی حزبەکانی رۆژهەڵاتی کوردستان.
قەرارگەی حەمزەی هێزی وشکانی سوپای پاسداران رایگەیاندووە، بەیانی ئەمڕۆ لە باکووری عیراق هێرشیان کردووەتە سەر بنکە و بارەگاکانی حزبەکانی رۆژهەڵاتی کوردستان.
قەرارگەی حەمزە کە بنکەی سەرەکی لە شاری ورمییە رایگەیاند "بەیانی ئەمڕۆ چوارشەممە 28ی ئەیلولی 2022 لە ئۆپەراسیۆنێکدا هێرشمان کردە سەر باکووری عیراق کە بارەگای حزبە کوردستانییەکانی رۆژهەڵاتی لێیە، لە ئۆپەراسیۆنەکەدا مووشەکی خاڵ پیکی 360ی هێزی وشکانی سوپای پاسداران و فڕۆکەی بێفڕۆکەوانی بۆمبڕێژکراو بەکارهاتوون".
ئاماژە بەوەشکراوە "دوابەدوای هەوڵی ئەو حزبانە بۆ ئاژاوەگێڕی و دروستکردنی نائەمنی زنجیرە ئۆپەراسیۆنێکمان لە دژیان دەستپێکردووە و تاوەکو ئێستاش بەردەوامە."
ئەوەش هاتووە "تاوەکو نەهێشتنی هەڕەشەی ئەم هێزانە و هەنگاوی کاریگەریی بەرپرسانی هەرێمی کوردستان نەبینین بۆ جێبەجێکردنی پابەندی و بەرپرسیارێتی خۆیان ئەم ئۆپەراسیۆنە بەردەوام دەبێت".
س،ر