مەودا میدیا-

فراکسیۆنی یەکێتیی نیشتمانیی کوردستان لە پەرلەمانی کوردستان رایدەگەیەنێت، بەداخەوە جارێکی دیکە ھێرشی مووشەکی  لەلایەن کۆماری ئیسلامی ئێران کرایە سەر خاکی ھەرێمی کوردستان کە لە ئەنجامدا  شەھید و بریندار بوونی لێکەوتەوە.

لە راگەیەندراوەکەی فراکسیۆنی یەکێتی ئەوەش هاتووە، بەناوی فراکسیۆنی سەوز لە پەرلەمانی کوردستان بە تووندی ئیدانە و سەرکۆنەی ئەم ھێرشان دەکەین، پرسە و ھاوخەمی خۆمان بۆ قوربانیان  و ھیوای زوو چاکبوونەوە  بۆ بریندارەکان دەخوازین.

ئاماژەی بەوەشکردووە، پێمان وایە ئەم جۆر ھێرشانە بۆ سەر خاک و خەڵکی کوردستان تاوانێکی گەورەیە، سەرەڕای پێشیل کردنی سەروەری وڵات، پێشێلکردنی یاسا نێودەوڵەتییەکانیشە.

لە درێژەی پەیامەکەدا هاتووە، ھەر بۆیە پێویستە سنوورێک بۆ ئەو دەستدرێژیانە دابنرێت و چیتر رێگە نەدرێت سەروەری خاک و سنووری ھەرێم لە لایەن وڵاتانی دراوسێ  پێشێل بکرێت و ئاسایشی ھەرێم تێک بدرێت، و لە ھەمان کاتدا ئەرکی حکومەتی فیدراڵیشە بەپێی دەستوور دەبێ پارێزەری سەروەری سنوور و ئاسمانی خاكی ھەرێمی کوردستانبێت.

ر. ئ