مەودا میدیا- کارزان عەبدوڵڵا

فڕۆکەکانی توركیا بۆردوومانی ناوچەیەكی ناحیەی سیدەكانی كرد و تۆپخانەکانی ئێرانیش بۆ رۆژی حەوتەم لەسەر یەك بەردەوامە لە تۆپبارانكردنی ناوچەكە.

ئەمڕۆ هەینی 30ی ئەیلولی 2022 توركیا لەڕێگەی فڕۆكەیەكی بێفڕۆكەوانەوە چیای بۆڵێی لە سنووری ناحیەی سیدەكان بۆردوومانكرد و بۆردوومانەكە دوور لە ناوچەی نیشتەجێبوون بووە و هیچ زیانێكی گیانی نەبووە.

ئیحسان چەلەبی، بەڕێوبەری ناحیەی سیدەكان ئاماژەی بەوەكرد "سوپای پاسدارانی ئێران بۆ رۆژی حەوتەم لەسەر یەك بە شێوەی پچڕ پچڕ چیای سەقەڕ و بەربزین تۆپباران دەكات، بە هۆیەوە نائارامی لە ناوچەكە و بە تایبەت گوندە نزیكەكانی سنووری رۆژهەڵاتی كوردستان دروستبووە".

س،ر