مەودا میدیا- ژاڵە محەمەد

گۆڕانکاری کەشوهەوا لە بەریتانیا بەرزبوونەوەی پلەی گەرمی وایکردووە جوتیارانی وڵاتەکە بیر لە بەرهەمهێنانی هەنار و شووتی و هەنجیر بکەنەوە.

هەندێک لە سەوزە و میوەکان لە بەریتانیا بەهۆی جیاوازی کەشوهەواکەی، هەتا ئێستا لە خانووی پلاستیکی بەرهەم دێن، بەڵام گۆڕێنی کەشوهەوا وایکردووە بەشێک لەو سەوزە و میوانە جوتیارانی بەریتانی ئیتر پێویستیان بەخانووی پلاستیکی نەبێت و لە کەشێکی کراوە بەرهەم بهێنرێن.

جوتیارە بەریتانییەکان دەڵێن، لەئێستادا بۆ بەرهەمهێنانی شووتی و هەنجیر و هەنار پێویستیان بە خانووی پلاستیکی نییە، چونکە ئەو میوانە لە کەشێکی گەرم بەرهەم دێن.

لەلایەکی دیکەوە زانایان هۆشداری دەدەن و دەڵێن، ئەو هەوا وشک و گەرمەی رووی لە ناوچەکە کردووە وادەکات ئاو کەمبێتەوە و لە دەرئەنجامدا مەترسیە لە سەر بەرهەمی جوتیاران.

س.ر