مەودا میدیا-

میدیاکانی ئێران ناسنامەی ئەو کەسانەیان بڵاوکردەوە کە ژینا ئەمینیان دەستگیرکردووە کە دوای چەند رۆژێک لە دەستگیرکردنی تەرمی ژینا درایەوە بە کەسوکارەکەی، ئەمەش کاردانەوەی زۆری لێکەوتەوە.

تەلەفزیۆنی ئینتەرناشناڵ ئاشکرایکردووە گروپێکی هاککەر توانیویانە ناسنامەی ئەو کەسانە ئاشکرابکەن کە دەستییان هەبووە لە دەستگیرکردنی ژینا ئەمیندا ئەو کچە سەقزییەی کە دوای سێ رۆژ لە دەستگیرکردنی تەرمەکەی رادەستی کەسوکارەکەی کرایەوە.

ئەمەش ناوی ئەو کەسانەیە:

- په‌ره‌ستو سه‌فه‌ری له‌دایكبووی 1986 خه‌ڵكی كرماشان، ئه‌و كارمه‌نده‌ی پۆلیس بووه‌ كه‌ له‌ شه‌قام پێشی به‌ ژینا ئه‌مینی گرتووه‌ و لێپێچینه‌وه‌ی له‌گه‌ڵدا كردووه‌.

- فاتیمه‌ قوربان حوسێنی له‌دایكبووی 1995  و دانیشتووی تاران، كارمه‌ندێكی دیکەی گرووپه‌كه‌یه‌ كه‌ ژینا ئه‌مینی ده‌ستبه‌سه‌ر كردووه‌.

- عینایه‌توڵا ره‌فیعی له‌دایكبووی 1970 كه‌ خه‌ڵكی پارێزگای زه‌نجانه‌، فه‌رمانده‌ی تیمه‌كه‌ بووه‌ كه‌ ئه‌و رۆژه‌ چالاكییه‌كه‌یان ئه‌نجام داوه‌.

 

- عه‌لی خۆشناموه‌ند له‌دایكبووی 1995 یه‌كێك بووه‌ له‌ پۆلیسه‌ مه‌یدانییه‌كان و له‌ رووداوه‌كه‌دا رۆڵی هه‌بووه‌ له‌ گواستنه‌وه‌ی ژینا ئه‌مینی بۆ ناو ئۆتۆمبێلی پۆلیس. ئه‌و خه‌ڵكی گوندی خۆشناموه‌ندی سه‌ربه‌ شارۆكه‌ی كوهده‌شته‌ كه‌ كه‌وتووه‌ته‌ باشووری پارێزگای لوڕستان.

رۆژی 13ی ئەیلولی 2022 ژینا ئەمینی دەستگیرکرا و لە رۆژی دوای چەند رۆژێک مانەوە لە نەخۆشخانە گیانی لەدەستدا و لە رۆژی 17ی ئەیلولی 2022 تەرمەکەی بە خاکسپێردرا، گیانلەدەستدانی ژینە لە زیندان کاردانەوەی گەورەی لێکەوتەوە تاوەکو ئێستاش مانگرتن و خۆپیشاندان بەردەوامی هەیە لە ناوچە جیاوازەکانی ئێراندا.

س.ر