مەودا میدیا-

وتەبێژی مەرزی نێودەوڵەتی حاجی ئۆمەران رایدەگەیەنێت لەئێستادا ئاڵوگۆڕی بازرگانی لەنێوان هەرێمی کوردستان و کۆماری ئیسلامیی ئێران ئاساییە، هاتوچۆی هاوڵاتییانیش لەو سنوورە وەک رۆژانی رابردوو بەردەوامە. 

سیروان حسێن، وتەبێژی مەرزی نێودەوڵەتی حاجی ئۆمەران لە لێدوانێکدا تایبەت بە مەودا میدا باسی لەوەکرد "سەرەڕای مانگرتن و خۆپیشاندان لە رۆژهەڵاتی کوردستان و بەشێک لە شارەکانی ئێران ئاڵوگۆڕی بازرگانی لەنێوان هەرێمی کوردستان و کۆماری ئسلامیی ئێران ئاساییە".

سەبارەت بە هاتوچۆی هاوڵاتییان لە نێوان هەرێمی کوردستان و کۆماری ئسلامیی ئێران ئاماژەی بەوەکرد "هاتوچۆ لەو سنوورە بەردەوامە وەک رۆژانی ئاسایی". 

بەهۆی گیانلەدەستدانی ژینا ئەمینی تەمەن 22 ساڵی خەڵکی شاری سەقز زیاتر لە دوو هەفتەیە مانگرتن و خۆپیشاندان لە شارەکانی رۆژهەڵاتی کوردستان و بەشێک لە ناوچەکانی دیکەی ئێران بەردەوامە، بەپێی زانیارییەکانی رێکخراوەکانی مافی مرۆڤ لەو وڵاتە تاوەکو ئێستا 23  کەس گیانیان لەدەستداوە و هەزار و 138 هاوڵاتیش برینداربوون.

س،ر