مەودا میدیا- سازگار ئەحمەد

پێشنیوەڕۆی ئەمڕۆ سێشەممە لە قەزای شەقڵاوە سێ کرێکار لە بینایەک کەوتنە خوارێ و یەکێکیان گیانی لەدەستدا و دووانی دیکەشیان بە سەختی برینداربوون

موحسین قەسرۆکەیی، بەڕێوەبەری راگەیاندنی نەخۆشخانەی شەقڵاوە بە مەودا میدیای راگەیاند "پێشنیوەڕۆی ئەمڕۆ سێشەممە 4ی تشرینی یەکەمی 2022 سێ کرێکار لە باڵەخانەیەکی 14 نهۆمی کەوتوونەتە خوارەوە و یەکێکیان گیانی لەدەستداوە و دووانەکەی دیکەش برینداربوون".

بەڕێوەبەری راگەیاندنی نەخۆشخانەی شەقڵاوە ئەوەشی خستەڕوو "بەهۆی سەختی برینەکەیانەوە ئەو دوو کرێکارە رەوانەی هەولێر کراون و دۆخی تەندروستییان ناجێگیرە".

س،ر