مەودا میدیا-

شانەیەکی نوستووی داعش کەبەنیازبوون چەندین کردەوەی تیرۆرستی لە کەرکوک و دەوروبەری ئەنجام بدەن لە لایەن دەزگای دژەتیرۆری عیراق دەستگیرکراون.

بەپێی راگەیەندراوێکی دەزگای دژەتیرۆری عیراق "لەماوەی رابردوو ژمارەیەک چەکداری نوستووی داعش کە بەنیازبوون چەندین کاری تیرۆرستی لەسنوری کەرکوک و دەوروبەری ئەنجام بدەن دەستگیرکراون".

باس لەوەشکراوە "دەزگای دژەتیرۆر هەر لەسەرەتاوە ئاگاداری پیلان و کارەکانی ئەو شانە نوستووەی داعش بوون و دواتر لە هەوڵێکی هێزەکانی دژەتیرۆر ئەو چەکدارانە دەستگیرکراون".

لە ماوەی رابردوو چەکدارانی داعش لە سنوری کەرکوک و دوزخورماتوو و دەوروبەری چەندین کاری تیرۆرستیان ئەنجامداوەو ناوە ناوە هێرش دەکەنە سەر سوپاى عيراق و پۆلیسی فیدراڵی و حەشدی شەعبی.