مەودا میدیا-

ئەنجومەنی باڵای دادوەری عیراق سزای حەوت ساڵ زیندانی بەسەر پارێزگاری پێشووی بابڵ سەپاند بەهۆی كاری ساختەكاری.

لە راگەیەندراوێكی ناوەندی راگەیاندنی ئەنجومەنی باڵای دادوەری عیراق هاتووە "دەستەی یەكەم لە دادگای تاوانەكان لە بابل سەیری كەیسی كەڕاڕ عەبادی پارێزگاری بابلی كردوە و سزای حەوت ساڵی زیندانی بەسەردا سەپاندووە".

ئاماژە بەوەشكراوە "بۆ ئەوسزایە پشت بە ماددەی 298 لە یاسای سزادانی عیراقی بەستراوە و هۆكارەكەشی كاری ساختەكاری بووە، بەڵام دەتوانرێت تێهەڵچوونەوە بۆ بكات".