مەودا میدیا-

وەزارەتی ناوخۆی عیراق لیژنەیەکی پێکهێنا بۆ چاودێری تۆڕە کۆمەڵایەتییەکان و ئەو بابەتانەی کە لە پلاتفۆرمەکانی تۆڕی کۆمەڵایەتی بڵاودەکرێنەوە.

لە راگەیەندراوێکدا وەزارەتی ناوخۆی عیراق رایگەیاند "لیژنەیەک پێکهێنراوە بۆ چاودێری تۆڕە کۆمەڵایەتییەکان و ئەو بابەتانەی کە لە پلاتفۆرمەکانی تۆڕی کۆمەڵایەتی بڵاودەکرێنەوە، بەدواداچوون بۆ ئەو بابەتانە دەکرێت کە ناوەڕۆکێکی نزمیان هەیە و لەگەڵ کۆمەڵگەدا ناگونجێت".

ئاماژە بەوەکراوە "ئەوانەی لەو جۆرە پۆستانە دەکەن دەستگیردەکرێن و دەدرێن بە دادگا، هەروەها لیژنەکە دەستی بەکارەکانی کردووە، چەند کەسێکیشی دەستگیرکردووە".

س،ر