مەودا میدیا-
 

ئەو پیاوەی لەدوای بردنەوەی عیراق لە یارییەکانی جامی کەنداو منداڵەکانی خستبووە ناو عارەبانەیەک و ئاهەنگی خۆشی دەگێڕا، بوو بە خاوەنی دوو ئۆتۆمبێل.

لەدوای ئەوەی لە یاری جامی کەنداوی عەرەبی، عیراق توانی سەرکەوتن بەدەستبێنێت و براوەی جامەکە بوو، هاوڵاتییەکی عیراقی بۆ خۆشی دەربڕین و ئاهەنگێڕان منداڵەکانی دەخاتە ناو عارەبانەیەک و بەو جۆرە دڵخۆشی خۆیان بۆ بردنەوەکە دەردبڕن.

دوای بڵاوبونەوەی وێنەکەی خۆی و منداڵەکانی لە تۆڕەکۆمەڵایەتییەکان و کاردانەوەی، دوو ئۆتۆمبێلی بەدیاری بۆ برا، یەکێکییان توێتایەكی كۆمپانیای نهج العراق و ئەویی دیکەیان ئۆتۆمبێلێكی ستەیشن لەلایەن وەزیری بەرگری عیراقەوە.

کەسەکە ناویی سائر یوسف حسوە و خەڵکی تەلەعفەرە، لەدوای وەرگرتنی ئۆتۆمبێلەکان دیسان خۆشحاڵی خۆی بە سەرخستنی ماڵومنداڵی لەناو ئۆتۆمبێلە تازەکەی دەربڕی.

ژ.م