گێتی
بلیمەتێکی سێ ساڵان بە حەوت زمانی جیهان دەخوێنێتەوە
مەودا میدیا - سلێمانی |
مەودا میدیا-
منداڵێکی سێ ساڵانی بەریتانی لەدوای فێربوونی خوێندنەوە لە دوو ساڵیدا و توانای هەژمارکردنی بە حەوت زمانی جیهان، بووە گەنجترین ئەندامی ئەنجومەنی نێودەوڵەتی بلیمەتەکانی جیهان.
ئەو منداڵە ناویی تێدی هابزە و خەڵکی بەریتانیایە، لەدوای ئەوەی لە تەمەنی سێ ساڵی تاقیکردنەوەی IQ یان بۆ کرد بۆیان دەرکەوت کە ئەو بلیمەتێکی بچوکە.
تێدی لە ئێستادا دەتوانێت بە حەوت زمانی فەرانسی، ئێسپانی، وێڵزی، ئەڵمانی و ماندارین بخوێنێتەوە، ئەمە جگە لە زمانی دایکی خۆی.
دایک و باوکی تێدی ئاگاداری زیرەکی منداڵەکەیان نەبوون تا ئەو کاتەی لە تاقیکردنەوەیەک بەشداریکرد.
دایکی تێدی وتوویەتی، منداڵەکەی زۆر کەم سەیری تەلەفزیۆن دەکات و بەراورد بە هاوتەمەنەکانی خۆی زیاتر لەگەڵ یەکترڕیز کردنی وشەکان سەرقاڵە و توانای زۆر جیاوازە لەوان.
دایکی دەڵێت، تێدی ئێستا توانای خوێندنەوەی کتێبی هەیە بەبێ ئەوەی کەسێک فێری کردبێت و ئەوەش وایکردووە مامۆستاکانی رەوزەی سەریان سووڕ بمێنێت لە تواناکانی.
دەشڵێت، ئەوان حەز دەکەن کوڕەکەیان لەداهاتوودا ببێتە پزیشک، بەڵام کاتێک لە تێدی دەپرسین هیچ ناڵێت.
ژ.م
بیروڕا
