مەودا میدیا- سەباح خضر 

راپۆرتێکی رۆژنامەوانی ئیسپانی ئەمڕۆ سێشەممە دووپاتیکردەوە کەپێشکەشکردنی یانەی نەسری سعودیە وەک بلۆکێکی تێکدەر لەبەردەم بەرشلۆنە لە فایلی نوێکردنەوەی گرێبەستی ئەستێرەی تیپەکەدا وەستاوە.

بەپێی رۆژنامەی "موندۆ دیپۆرتیڤۆ"، یانەی نەسری سعودی پێشنیارێکی پێشکەش بە کاپتنی بەرشەلۆنە سێرجیۆ بوسکیتس کردووە، بۆ ماوەی دوو وەرز بەهای 18 ملیۆن یۆرۆ بۆ هەر وەرزێک، بەبێ باج.

بوسکیتسی 34 ساڵ لە کۆتایی ئەم وەرزەدا گرێبەستەکەی کۆتایی دێت ، بەڵام هێشتا هیچ رێککەوتنێک لەسەر نوێبوونەوە نەگەیشتووە.

بوسکیتس، چاوەڕێی ئەوە دەکات کە بزانێت چۆن لە لایەن بەرشلۆنەوە بەرز دەنرخێنرێت، لەگەڵ پێشنیاری نوێکردنەوە.

هەرچەندە راهێنەری بەرشلۆنە خاڤی هێرناندێز پێویستی بە هەوڵەکانی بوسکیتس هەیە، بەڵام بەرشەلۆنە ناتوانێت مووچەیەکی لەو شێوەیە پێشکەش بکات.

لە لایەکی دیکەشەوە بوسکیتس هەروەها پەیوەندی پێوەکراوە لە خولی ئەمریکی و لە لایەن یانەی ئینتەر میامی.