مەودا میدیا- سەباح خضر 

ئەیمەن حوسێنی یاریزانی نێودەوڵەتی عێراقی نزیکە لە جووڵانەوە بۆ ریزی جەزیرەی ئیمارات.

سەرچاوە قەتەرییەکان رایانگەیاند، کە ئەیمەن حسێن، گۆڵکەری یەکەمی پاڵەوانێتی کەنداوی 25، بە گرێبەستی دوو وەرز و نیو لەگەڵ یانەی جەزیرەی ئیماراتی گرێبەستی واژۆکردووە.

لە چەند کاتژمێری داهاتوودا گواستنەوەی ئەیمەن حسێن بۆ جەزیرە رادەگەیەنرێت.

ئەو سەرچاوانە ئەوەشی خستەڕوو: "ئەیمەن حسێن لەگەڵ ئەلمەرخیە بڕیاری دارایی دا و لە بەرامبەر بەدەست هێنانی کارتی نێودەوڵەتیدا پاشگەزبووەوە لە موچەکانی خۆی.

وتیشی: ئەلمەرخیە پابەندبوونی خۆی بەخزمەتگوزارییەکانی یاریزانە عێراق دەرببڕیت، بەڵام خواستی ئەو یاریزانە بۆ چوونە خولی ئیمارات روون بوو.

جێی ئاماژەپێکردنە ئامادەنەبوونی عەلی مەبخووت لەجەزیرەوە بەهۆی چوونە ناوەوەی خزمەتی سەربازی، ئیمزاکردنی ئەیمەن حوسێنی بۆ خولی ئیمارات بەرزکردەوە.

ئەیمەن حوسێن ، لە خولی ئەستێرەکانی قەتەر بۆ ئوم ساڵح و ئەلمەرخییە یاری دەکرد.