مەودا میدیا- سەباح خضر 

یانەی شورتە ئەمڕۆ سێشەممە دووپاتی کردەوە کە یاریزانی هەڵبژاردەی عێراق ئاسۆ ڕۆستۆم کە بەم دواییانە چووە پاڵ تیمەکە بەشداری یارییەکانی داهاتوو ناکات، چونکە کارتێکی نێودەوڵەتی لەیانەی پێشووی سەلیمیە کوێتەوە وەرنەگرتووە.

عودەی ئەلروبەیعی ئەندامی دەستەی بەڕێوەبەری ئەو یانەیە لەلێدوانێکیدا بۆ بەرنامەی ئەلقەشاش گوتی: ئاسۆ رووبەڕووی گرفتی وەرنەگرتنی کارتی نێودەوڵەتی خۆی لەیانەی پێشووی سلمیە کوێت دەکاتەوە و ئەمەش ڕێگرە لەبەشداریکردنی لە خولی عێراقی.

ئەوەشی وت: ئاسۆ دواکەوتی دارایی هەیە کە یانە پێشووەکەی پارەی نەداوە و هێشتا لە دانوستاندایە لەگەڵ ئیدارەی سالمیە سەبارەت بە بەدەستهێنانی کارتی نێودەوڵەتی.

هەروەها ئەوشی ووت: ئەو یاریزانە یەکێکە لە یاریزانە گرنگەکان و لەگەڵ ئەو تیمە دەبێت کاتێک لەگەڵ سالمیە رێکەوتنی دارایی دەکرێت و گرێبەستەکەی لەگەڵ شورتەدا نێردرا بۆ یەکێتی تۆپی پێی عێراق و لە کۆتایی وەرزی گواستنەوەی زستاندا کاریگەری نابێت.

ئەوەشی وت: مەحمود مەواسی یاریزانی پیشەگەریی سوری دەتوانێت ئاستی خۆی بەدەستبهێنێتەوە و پێکانی پێشوو کاریگەری لەسەر تۆمارکردنی گۆڵ هەبوو، بەڵام دەگەڕێتەوە بۆ ئەوەی لەگەڵ تیمەکەمان بەشداری بکات، بۆ ئەوەی نازناوەکە بپارێزێت.

لە کۆتاییشدا وتی: ئێمە ئامادەین سەرکەوتن بەدەست بهێنین لە یارییەکەی ئەمڕۆدا بەرامبەر بە ئەلقاسم و دڵنیاشتان دەکەمەوە کە گەڕانەوەمان بۆ لوتکە تەنیا کاتی دەوێت.

جێی سەرنجە ئاسۆ ڕۆستۆم و ناسر محەمەدۆ بەشداری مەشقەکانی یانەی شورتەیان کردووە و دەتوانن لەیاری داهاتوودا لەگەڵ یانەکە بەشداری بکەن دوای وەرگرتنی کارتەکەی لەیانەی پێشووی نەفت ئەلوەسەت.