مەودا میدیا -

 

پەیمانگای میسری بۆ توێژینەوەی فەلەکی لە دوایین راپۆرتی خۆیاندا رایدەگەیەنن کە پێشبینییەکانیان وایە کە22ی ئازار کۆتا رۆژی مانگی شەعبان بێت و یەکەم رۆژی رەمەزانیش دەکەوێتە رۆژی پێنجشەممەوە 23-3-2023.

 

ئەمڕۆ یەکشەممە 19ی شوباتی 2023 پەیمانگای میسری بۆ توێژینەوەی فەلەکی رایگەیاند "بە پێی توێژینەوە فەلەکییەکان لە هەموو ناوچەکانی وەک سعودیە و قەتەڕ و ئیمارات و ئەردەن و میسڕ مانگ پێش خۆر ئاوا دەبێت کە بینینی نیمچە ئەستەم دەبێت، بەم شێوەیەش واپێشبینی دەکەین زۆربەی دەوڵەتە عەرەبییەکان رۆژی چوارشەممە 22ی ئازار بکەن بە کۆتا رۆژی شەعبان و پێنجشەممەش 23ی ئازار ببێتە یەکەم رۆژی رەمەزان ".

 

پەیمانگاکە ئەوەشیان خستووەتەڕوو "پێشبینیمان بۆ رۆژەکانی رەمەزانی ئەمسال 29 رۆژە و لە سەرەتای مانگەوە رۆژووانان دەبێت 14 کاتژمێر بەڕۆژووببن".

ڕ.ع