مەودا میدیا-

بەڕێوەبەری گشتیی یەکەی بوومەلەرزە و کەمکردنەوەی مەترسییەکان لە سه‌رۆكایه‌تیی بەڕێوەبردنی كاره‌سات و باری له‌ناكاو "ئافاد" پێشبینیدەکات لە چەند رۆژی داهاتوودا بوومەلەرزەی دیکە لە تورکیا رووبدات.

ئەمڕۆ هەینی 24ی شوباتی 2023  ئۆرهان تاتار، بەڕێوەبەری گشتیی یەکەی بوومەلەرزە و کەمکردنەوەی مەترسییەکان لە سه‌رۆكایه‌تیی بەڕێوەبردنی كاره‌سات و باری له‌ناكاو لە ئەنقەرە بە رۆژنامەنووسانی راگەیاند "پێشبینی دەکرێت لە چەند رۆژی داهاتوودا دوو تاوەکو سێ بوومەلەرزەی دیکە لە سەرووی پێنج پلە لە ناوچە بوومەلەرزە لێدراوەکان رووبدەن و هۆشداری بە هاونیشتمانییان و هاوڵاتییان دا کە بەهیچ شێوەیەک بۆ هێنانەوەی کەلوپەلەکانیان نەچنە ناو باڵەخانە زیانلێکەوتووەکان".

ئاماژەی بەوەشکرد "دوای بوومەلەرزەکەی رۆژی 6ی شوباتی 2023ەوە هەشت هەزار و 550 پاشلەرزە باکووری کوردستان و تورکیا روویانداوە کە نۆیان 6 پلە و 4 یان 5 پلە بوون".

 

س.ر