مەودا میدیا-

بریکاری وەزارەتی کارەبای حکومەتی هەرێمی کوردستان رایدەگەیەنێت لە سەرەتای مانگی داهاتووەوە ژمارەی ئەمپێری کارەبای نیشتمانی زیاد دەکرێتەوە بۆ 40 ئەمپێر.

کامیل قەزاز، بریکاری وەزارەتی کارەبا و سەرپەرشتیاری پڕۆژەی پێوەری زیرەک رایگەیاند "لە سەرەتای مانگی ئازاری داھاتوو پێوەری زیرەکی کارەبا دەکرێتەوە بە 40 ئەمپێر، لە کاتێکدا لە سەرەتای زستان، بەھۆی بەرزبوونەوەی خواست لەسەر کارەبا، ھەروەھا بە مەبەستی دادپەروەری لە پێدانی کارەبا بە ھاوڵاتییان و پاراستنی محاویلەکان لە سووتان و پێشگرتن بە ئۆڤەرلۆد لە وێستگەکانی کارەبا، پێوەری زیرەک بۆ 30 ئەمپێر کەمکرایەوە".

ئاماژەی بەوەشکرد "لە مانگی داھاتوو رەوشی کەشوھەوا گۆڕانکاری بەسەردا دێت، بەوپێیەش خواست لەسەر بەکارھێنانی کارەبا کەمتر دەبێتەوە، لەبەر ئەوە لە 1ی ئازاری 2023 پێوەری زیرەکی کارەبا دەکرێتەوە بە 40 ئەمپێر".

س.ر