مەودا میدیا- سەباح خضر 

ئەستێرەی ریال مەدرید دەیڤد ئالابا روونیکردەوە بۆچی لەباشترین یاریزانی ساڵ دەنگی دا بەیاریزانی پاریس سەینت جێرمەین لیونیل میسی.

ئالابا لەو کاتەوەی کە دەنگەکان ئاشکرا بوون، کەوتوەتە بەر هێرشی توند لەلایەن هاندەرانی ریاڵ مەدریدەوە.

ئالابا لە تۆڕی ئەکاونتەکەی "ئینستاگرام"ی نووسیویەتی: وەکو هەڵبژاردەی نەمسا دەنگ بەم مخەڵاتە دەدات، نەک تەنها من.

ئەو یاریزانەی ریال مدرید دەڵێت: هەموو کەس دەزانێت، بەتایبەتی کەریم، چەند سەرسامی ئەو و نمایشەکەی دەکەم و چەندین جار وتوومە کە ئەو باشترین هێرشبەری جیهانە و ئەو هێشتاش بێ گومانە.

جێی ئاماژەیه لیۆنێل میسی خەڵاتی فیفای بۆ باشترین یاریزانی ساڵی 2022 بردەوە کە لەپاریسی پایتەختی فەرەنسا بەڕێوەچوو.