مەودا میدیا- سەباح خضر 

یانەی بەرشەلۆنە پێش یاری کلاسیکۆ گورزێکی کوشندەی بەرکەوت و یاریزانێکی بە توانایی لە دەستدا.

شەوی پێنج شەممە لە یاری کلاسیکۆ و لە سەر یاریگای سانتیاگۆ بیرنابیو یانەی بەرشەلۆنە دەبێتە میوانی یانەی ریال مدرید لە جامی شای ئیسپانیا.

تۆڕی ریلفیو، ئەوەی ئاشکراکرد کە یاریزانی دانیمارکی  ئەندرياس كريستينسن، گومانی لەسەر کە لە یاری کلاسیکۆدا بتوانێت بەشداری بکات.

هەمان تۆڕ ئاماژەی بەوەداوە کە ئەو یاریزانە بۆ ماوەی 15خولەک راهێنانی ئەنجامداوە چونکە هەستی بە ئازار کردووە لە ئەژنۆیدا.

یانەی بەرشەلۆنە لە پێشەنگی خولی ئیسپانی دێت بە کۆکردنەوەی 59خاڵ، بەڵام یانەی ریال مدرید خاوەنی 52خاڵە و لە پلەی دووەم دێت.