مەودا میدیا -

 

بەهای لیرەی لوبنانی بەرانبەر بە دۆلاری ئەمەریکی گەیشتە نزمترین ئاست لە مێژووی خۆیدا و لە ئێستادا %95ی بەهاکەی لەدەستداوە.

 

سەرلەبەیانی ئەمڕۆ سێشەممە 14ی ئازاری 2023 بەهای یەک دۆلاری ئەمەریکی بەرانبەربوو بە 100 هەزار لیرەی لوبنانی، ئەمە لەکاتێکدایە کە لەماوەی سێ ساڵی رابردوودا لیرەی لوبنانی زیاتر %95ی بەهاکەی لەدەستداوە و نزیکبووەتەوە لە مایەپوچبوونی تەواوەتیی.

 

وەزارەتی دارایی لوبنان لەسەرەتای ئەم مانگەوە بڕیاریداوە مۆڵ و مارکێت و شوێنە گشتییەکاندا هاوڵاتییان دەتوانن بە دۆلار مامەڵە بکەن جگە لە لیرە، هەفتەی رابردووش یەکێتی بانکە بازرگانییەکانی لوبنان رایگەیاند "گەیشتن بە مایەپوچبوونی تەواوەتی نزیکبووەتەوە و هیچ بڕە پارەیەکی نەختینەیی بۆ دانەوەی پارە دانراوەکانی ناو بانکەکان لەبەردەستیاندا نەماوە".

ر.ع