مەودا میدیا-

حوکمی سێدارەی پێنج هاوڵاتی کورد کە بە تۆمەتی کوشتنی ئەنقەست حوکمی سێدارەیان بەسەردا سەپێندرابوو، لە بەندیخانەی ناوەندیی شاری کرماشان جێبەجێ کرا.

بەپێی هەواڵێکی رێکخراوی مافی مرۆڤی هەنگاو، سەرلەبەیانی رۆژی دووشەممە 9ی کانونی یەکەمی 2010 حوکمی سێدارەی پێنج هاوڵاتیی کورد لە بەندیخانەی ناوەندیی کرماشان جێبەجێ کرا.

تائێستا ناسنامەی دوو لەو کەسانەی کە لەسێدارە دراون بە ناوەکانی "ئەمیر نەجەف ئابادی" و "خەلیل کەرەمی" بۆ هەنگاو روون بووەتەوە.

ئەو پێنج هاوڵاتییە بە تۆمەتی کوشتنی ئەنقەست دەستبەسەر کرابوون و لەلایەن دەزگای دادوەریی ئێرانەوە حوکمی سێدارەیان بەسەردا سەپێندراوە.