عیراقی
هێڵی کۆڕەک تیلیکۆم بە بڕی 800 ملیۆن دۆلار سزادرا
مەودا میدیا - سلێمانی |
مەودا میدیا -
دەستەی راگەیاندن و پەیوەندییەکانی عیراق رایدەگەیەنێت کە کۆمپانیای کۆڕەک تیلیکۆم دۆسیەیەکی یاسایی دۆڕاندووە و بەوپێیە دەبێت ئەو کۆمپانیایە بڕی 800 ملیۆن دۆلار بداتە حکومەتی عیراق.
ئەمڕۆ 30ی نیسانی 2023 عەلی موئەیەد، سەرۆکی راگەیاندن و پەیوەندییەکانی عیراق رایگەیاند "توانیمان دوای بردنەوەی دۆسیەیەکی یاسایی لەگەڵ کۆمپانیای کۆڕەک تیلیکۆم، پابەندییان بکەین بە پێدانی نزیکەی 800 ملیۆن دۆلار بە حکومەتی عیراقی".
باسی لەوەشکردووە "ئەو کۆمپانیایە ساڵانێکە هەریەک لە پارەی مۆڵەت و فریکوێنسی و کۆمەڵێک باجی دیکەی نەداوە و ئێستا و دوای بردنەوەی دۆسیەکە، دەبێت وەک پێبژاردن بیداتە حکومەتی عیراق".
ئەوەشی خستووەتەڕوو "پەنا دەبەینە بەر رێوشوێنی یاسایی دیکە گەر ئەو کۆمپانیای کۆڕەک تیلیکۆم ئەو پێبژاردنە داراییە نەداتە گەنجینەی دەوڵەت".
ر.ع
ر.ع
بیروڕا
