مەودا میدیا-

سەرۆكی حكومەتی عیراق رایگەیاند، بەهای خەرجكردنی دۆلار لەسەر نرخی فەرمیی جێگیردەكرێت و جەختیشیكردەوە، دۆخی دارایی ئێستای عیراق باشترینە.

ئەمڕۆ پێنجشەممە 4ی ئایاری 2023 لەمیانی وتەكانیدا لە دیداری عیراق كە لە بەغدا چەند رۆژێكە بەڕێوەدەچێت، محەمەد شیاع سودانی سەرۆك وەزیرانی عیراق رایگەیاند "بە دڵنیاییەوە خەرجی دۆلار لەسەر نرخی فەرمیی جێگیردەكرێت، دۆخی دارایی ئێستاش لە ئاستی باشتریندایە".

هاوكات هۆشداریی دایە لایەنە پەیوەندیدارەكان و وتی "هەڵوێستە ناكەین لە لێپێچینەوە لە گەندەڵكاران"، ئەوەش پاش ئەنجامدانی چەندین گۆڕانكاری لە كەرتەكانی بەڕێوەبردندا.

وتەكانی سودانی لەكاتێكدایە لەماوەی چەند رۆژی ئەمدواییەدا نرخی دۆلار بەرزبوونەوەیەكی بەرچاوی تۆماركرد پاش دابەزینی بۆ ماوەیەكی كەم، ئەمڕۆش نرخی 100 دۆلار گەیشتە 146 هەزار دیناری عیراقی.

ژ.ع