مەودا میدیا- سازگار ئەحمەد

بڕیارە ئێوارەی ئەمڕۆ مەکتەبی سیاسیی یەکێتیی نیشتیمانیی کوردستان یەکەم کۆبوونەوەی خۆی لە دەباشان لە شاری سلێمانی ئەنجام بدات.

ئەمین بابە شێخ، وتەبێژی یەکێتیی نیشتیمانیی کوردستان  بە مەودا میدیای راگەیاند "ئێوارەی ئەمڕۆ کاتژمێر 6:00 لە دەباشان مەکتەبی سیاسیی یەکێتی یەکەم کۆبوونەوەی خۆی ئەنجام دەدات".

ئاماژەی بەوەشکرد "کۆبوونەوەکە بەسەرپەرشتی لاهور شێخ جەنگی، هاوسەرۆکی یەکێتیی نیشتیمانیی کوردستان بەڕێوە دەچێت".

بڕیارە لە کۆبوونەوەکەدا تاوتوێی دواین پێشهات و ئه‌گه‌ره‌ سیاسیه‌كان  دەکرێت و نه‌خشه‌ڕێگه‌ و به‌رنامه‌و پلانی نوێ كاری رێكخراوه‌یی داده‌رێژرێت بەمەستی بڕیاردان لێی.