مەودا میدیا - 

 

کەمال کڵیچدار ئۆغڵو، بەربژێری ئۆپۆزسیۆن بۆ سەرۆک کۆماری تورکیا رایدەگەیەنێت، ئێوە (مەبەستی گەلی تورکیایە) لە دڵمدان و تا کۆتایی لە خەبات بەردەوام دەبین.

 

ئەمڕۆ دووشەممە 15ی ئایاری 2023 کەمال کڵیچدار ئۆغڵو، بەربژێر بۆ سەرۆک کۆماری تورکیا ، دوای بڵاوبوونەوەی ئەنجامە بەراییەکانی هەڵبژاردنی تورکیا کە رێژەی دەنگەکانی لە ژێر رەجەب تەیب ئەردۆغان، کاندیدی هاوپەیمانیی جمهوریی دەسەڵاتدارەوە بوو، ڤیدیۆیەکی بڵاوکردەوە.

 

کەمال کڵیچدار ئۆغڵو لە گرتە ڤیدیۆییەکەدا دەردەکەوێت و دەکێشێت بە مێزەکەی بەردەمیدا و داڵێت: من لێرەم، لێرەم.
 
 دواتر ئاماژە بۆ دڵی دەکات و دەڵێت: ئێوەش لێرەن.

 

لە کۆتایی ڤیدیۆکەشدا دەڵێت: وەڵاهی وە بیلاهی لێرەم و تا کۆتایی لە خەباتەکەم بەردەوام دەبم.

 

ئەمە لەکاتێکدایە، لە دوای جیاکردنەوەی تەواوی دەنگەکان و ژماردنیان دەرکەوت کە ئەردۆغان بە رێژەیەکی بەرچاو لەپێش کڵیچدارەوەیە، بەڵام بەهۆی نەگەیشتنیان بە رێژەی پێویست، هەڵبژاردنەکە چووە گەڕی دووەمەوە و بڕیارە 28ی ئەم مانگە دووبارە هەڵبژاردن بکرێتەوە.

لەم بەستەرەوە دەتوانی ڤیدیۆکەی کڵیچدار ئۆغڵو ببینیت
https://twitter.com/kilicdarogluk/status/1658100731377770496?cxt=HHwWgICz-ZD14IIuAAAA
ر.ع