مەودا میدیا-

قائیمقامی سلێمانی  رایدەگەیەنێت  هیچ قەیرانێكی سوتەمەنی خواردەمەنی لە ئارادا نییە داواش لە هاوڵاتییان دەکات قەرەباڵغی لە وێستگەکانی سوتەمەنی و مارکێتەکان دروست نەکەن.

ئاوات محەمەد قائیمقامی سلێمانی لە کۆنگرەیەکی رۆژنامەنوسیدا رایگەیاند "داوا لە خەڵكی شاری سلێمانی دەكەم ئەو قەرەباڵغیەی لە وێستگەكانی سوتەمەنی و ماركێتەكان دروستیان كردووە رابگرن، چونکە هیچ قەیرانێکی سوتەمەنی و خواردەمەنی لە ئارادا نییە".

ئاماژەی بەوەشکرد "ئەم قەرەباڵغییە دەبێتە هۆی بڵاو بوونەوەی زیاتر و تەشەنەكردنی ڤایرۆسی كۆرۆنا، هەروەها داواشی کرد پێویستە خەڵك بۆ كاری پێویست نەبێت لە ماڵەكانیان نەیەنە دەرەوە".