مەودا میدیا-

بەیانیی ئەمڕۆ هەینی نرخی نەوتی خاو لە هەردوو جۆری برێنت و تەكساسی رۆژئاوای ئەمەریكا لە بازاڕەكانی جیهان بەرزبووەوە و هەر بەرمیلێكی برێنت بڕی 59 سەنت لە نرخەكەی زیادیكرد.

ئەمڕۆ هەینی 2ی حوزەیرانی 2023 نرخی یەك بەرمیل خاوی برێنت گەیشتە 74.87 دۆلار و بە رێژەی لەسەدا 0.79 نرخەكەی بەراورد بە نرخی پێشووی بەرزبووەوە.

هاوكات یەك بەرمیل نەوتی خاوی تەكساسی رۆژئاوای ئەمەریكا بە 70.68 دۆلار مامەڵەی پێوەكرا و بە رێژەی لەسەدا 0.83 بەهای بەرزبووەوە.

ئەوەش لەكاتێكدایە جەنگی رووسیا و ئۆكرانیا بەردەوامیی هەیە و كاریگەرییەكی بەرچاوی لەسەر نرخی نەوتی خاو لە جیهان دروستكردووە.

لەلایەكی دیكەشەوە بەرزبوونەوەی خواستی ویلایەتە یەكگرتووەكانی ئەمەریكا لەسەر ئەو بەرهەمە، كە ئەو وڵاتە گەورەترین وڵاتی بەكاربەری نەوتە لە جیهاندا كاریگەرییەكی دیكەی لەسەر نرخی نەوتی خاو دروستكردووە.

ژ.ع