مەودا میدیا-

لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا پەیوەست بە قەدەغەکردنی هاتووچۆ چەند بڕیارێکی تایبەت بە شۆفێران دەرکرد.

لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا پەیوەست بە قەدەغەکردنی هاتووچۆ بڕیاریدا:

1-هەر ئۆتۆمبێلێک بەدەر لەڕێنماییەکانی وەزارەتی ناوخۆ و لیژنەی باڵای ئۆپراسیۆنەکانی پارێزگای سلێمانی و قائیمقامیەتی مەڵبەندی سلێمانی جوڵەی پێ بکرێت (غەرامە) دەکرێت و دۆسیەی سەرپێچی لە بەڕێوەبەرایەتی هاتووچۆی پارێزگای سلێمانی بۆ دەکرێتەوەو لەباری دووبارە کردنەوەدا ئۆتۆمبیلەکەی ڕادەگیرێت (حجز دەکرێت).

2-پێویستە هەموو ئەو ئۆتۆمبیلانەی ڕێگاپێدانی فەرمیان بۆ کراوە پابەندی خێرایی دیاریکراوی لێخورین بن، بە پێچەوانەوە بەپێی رێنماییەکانی هاتووچۆ سزا دەدرێن.

لە کۆتایی راگەیاندراوەکەدا هاتووە "ئەم بڕیارانە لەلایەن بەڕێوەبەرایەتی هاتووچۆی پارێزگای سلێمانیەوە جێ بەجێ دەکرێت".