مەودا میدیا-

بەمەبەستی رێکخستنەوەی کاروبارەکانی تایبەت بە جموجۆڵی بازرگانی لەم کاتەداو توندوتۆڵکردنەوەی رێکارەکانی خۆپارێزی لەڤایرۆسی کۆرۆنا، مەرزی نێودەوڵەتی پەروێزخان دادەخرێت.

بەپێی راگەیەندراوێكی مەرزی نێودەوڵەتی پەروێزخان "مەرزەکە لە کاتژمێر 8ی ئەمشەوەوە بۆماوەی 36کاتژمێر دادەخرێت، هەموو جۆرە جموجۆڵێکی بازرگانی رادەگیرێت".

ئاماژە بەوەشكراوە "دوای گفتوگۆو راوێژ لەنێوان سەرپەرشتیاری کۆمەڵگای دەروازەی نێودەوڵەتی پەروێزخان و هەریەک لەوەزارەتی دارایی و ئابوری حکومەتی هەرێمی کوردستان و بەڕێوەبەرایەتی گشتی گومرگ و ئیدارەی گەرمیان، ئەم بڕیارە درا".

ئەوەش باسكراوە "ئامانج لە بڕیارەکەش توندوتۆڵکردنەوەی رێکارەکانی خۆپارێزییە بەرامبەر بە ڤایرۆسی کۆرۆنا".