مەودا میدیا-

هەردوو خاوی برێنت و نەوتی رۆژئاوای تێكساسی ئەمەریكا، لەكاتی كردنەوەی بازاڕەكانی جیهان نرخیان دابەزی.

بەپێی ماڵپەرە بازرگانی و ئابوورییەكانی جیهان، ئەمڕۆ هەینی 23ی حوزەیرانی 2023  نرخی بەرمیلێك خاوی برێنت 73.4 دۆلاری ئەمەریكییە و بە رێژەی لەسەدا یەك نرخەكەی دابەزیوە.

هاوكات یەك بەرمیل خاوی تەكساسی رۆژئاوای ئەمەریكا بە 68 دۆلار و 79 سەنت مامەڵەی پێوەكراوە و لەسەدا 1.04 لە نرخەكەی دابەزیوە.

كاریگەریی بەرزكردنەوەی رێژەی سوود هۆكارێكی سەرەكییە بۆ دابەزینی نرخی نەوتی خاو لە جیهان لەماوەی رابردوودا، لەلایەكی دیكەشەوە بە شێوەیەكی لەناكاو بڕی خەزنكراوی خاوی ئەمەریكیی دابەزینی بەخۆوە بینی.

ژ.ع