مەودا میدیا-

سەرمایەدارێكی قەزای چەمچەماڵ بڕیاریدا نەخۆشخانەییەكی 50 قەرەوێڵەی دروست بكات بەمەبەستی بۆ رووبەڕووبوونەوەی نەخۆشی كۆرۆنا.

بەڕێوەبەرایەتی تەندروستی قەزای چەمچەماڵ بڵاویكردەوە "ئەمڕۆ شەممە 14ی ئادار، لەدیوانی بەڕێوەبەرایەتی تەندروستی چەمچەماڵ بەئامادەبوونی فەرهاد محەمەد مستەفا، بەڕێوەبەری تەندروستی چەمچەماڵ و شەریف رەحیم، جێگری بەڕێوەبەر قسە لەسەر دروستکردنی نەخۆشخانەیەکی 50 تەختی لەسنوری قەزای چەمچەماڵ کرا",

باس لەوەشكراوە "ئەو نەخۆشخانەیەك سەرمایەدارێکی چەمچەماڵ ئامادەیی خۆی دەربڕیوە بەهاوکاری چەند کەسێکی تر بۆ رووبەڕووبوونەوەی کۆرۆنا لەسەر ئەرک و بودجەی خۆی دروستی بکات".