مەودا میدیا-

وەزارەتی بازرگانیی عیراق گەیشتنی هەزاران تەن برنجی تایلەندیی راگەیاند و دەڵێت "لە سەبەتەی خۆراكییدا دابەشدەكرێت بەسەر هاوڵاتییاندا".

راگەیەندراوەكە ئەمڕۆ سێشەممە 27ی حوزەیرانی 2023 بڵاوكراوەتەوە و ئاماژە بەوەدەكات، بڕی 42 هەزار تەن برنج لە جۆری تایلەندی PVT DIMOND گەیشتووەتە وڵات و بڕیارە لە سەبەتەی خۆراكییدا دابەشبكرێت.

ئەوەش هاتووە، تیمێك لە پشكنەرانی تاقیگە لە بەشی كۆنترۆڵی جۆریی كۆمپانیای گشتیی بۆ بازرگانیی خۆراك پشكنینی سەرەتایی بۆ برنجەكە كردووە و نێردراوەتە تاقیگە و بڕیارە تەواوی پشكنینەكانی دیكەش ئەنجامبدرێت بۆ دڵنیابوونەوە لە كوالیتی برنجەكە پێش دابەشكردنی.

ژ.ع