مەودا میدیا-

بانکی رەشید لە عیراق لە راگەیەندراوێکدا رایدەگەیەنێت بڕی فرۆشتنی دۆلار بە گەشتیاران لە دوو هەزار دۆلارەوە بۆ سێ هەزار دۆلار زیادکراوە.

ئەمڕۆ هەینی 7ی تەموزی 2023 بانکی رەشید رایگەیاند "بە پشت بەستن بە ڕێنماییەکانی بانکی ناوەندی عیراق بانکەکەمان بڕیاریدا بڕی فرۆشتنی دۆلار بە گەشتیاران لە دوو هەزار دۆلارەوە بۆ سێ هەزار دۆلار زیاد بکات".

ئاماژەی بەوەشکردووە "ئەو بڕه پارەیه له لقەکانی بانک کە پێشتر دیاری کرابوون و له رێگەی پلاتفۆڕمێکی ئه لیکترۆنییەوە دۆلار له لقی فڕۆکەخانەی نێودەوڵەتی بەغدا وەردەگیرێت".

هەر ئەمڕۆ بانکى ناوەندیى عیراق بڕیاریدا فرۆشتن و خستنەڕووى دۆلار بۆ گەشتیاران و کۆمپانیاکانى دراو بە رێژەی 30٪ زیاد بکات و ئاماژە بەوەشدەکات "ئامانج لەو بڕیارە، سەقامگیریى بەهاى دینارە".

س.ر