مەودا میدیا-

سەرۆکی ژووری بازرگانی سلێمانی رایدەگەیەنێت هیچ رێگرییەک بۆ جووڵەی بازرگانی دروست نەکراوە و گواستنەوە و هێنانی خواردن ئاساییە و داواش لە هاوڵاتییان دەکات بەرێژەیەکی کەم بچنە مارکێتەکان.

سیروان محەمەد، سەرۆکی ژووری بازرگانی سلێمانی لە کۆنفراسێکی رۆژنامەوانیدا رایگەیاند "سلێمانی هیچ کێشەیەکی خواردنی نییە و شارەکە ترانزێتی خواردنە بۆ شارەکانی دیکەی عێراقیش، ئەگەر پێویست بکات، خواردن بۆ باشووری عیراقیش نانێرین".

وتی "هیچ رێگرییەک بۆ جووڵەی بازرگانی دروست نەکراوە و گواستنەوە و هێنانی خواردن وەکو پێشوو ئاساییە، هەروەها لە مارکێتەکان خواردنی تەواو هەیە، بەڵام داوا لە خەڵک دەکەین بە رێژەیەکی کەم بچنە مارکێتەکان".