مەودا میدیا- سازگار ئەحمەد

 سبەی 32 ساڵ بەسەر یادی كیمیابارانكردنی هەڵەبجەدا تێدەپەڕێت‌، بەڵام ئەمساڵ ڤایرۆسی کۆرۆنا رێگر دەبێت لە یادکردنەوەی کیمیابارانی هەڵەبجە.

عوسمان ئەنوەر شارباژێری، بەڕێوبەری ناحیەی خورماڵ بە مەودا میدیای راگەیاند "بەمەبەستی رێگریکردن لە بڵاوبوونەوەی ڤایرۆسی کۆرۆنا سەرجەم کۆڕوکۆبوونەوەکان هەڵپەسێراون و لەبەر ئەم هۆکارەش هیچ مەراسیمێک بۆ یادی کیمابارانی هەڵەبجە بەڕێوە ناچێت لەبەر سەلامەتی گیانی هاوڵاتییان".

هاوکات وەزارەتی روباری شه‌هیدان و ئه‌نفالكراوانی حكومه‌تی هه‌رێمی كوردستان لە راگەیاندراوێکدا بڵاویکردەوە "ئه‌مساڵ به‌هۆی پابه‌ندبوون به‌ بڕیارو راسپارده‌ی دامه‌زراوه‌ ته‌ندروستییه‌كانی كوردستان و مه‌ترسی بڵاو بوونه‌وه‌ی ڤایرۆسی كۆرۆنا، به‌پێویستمان زانی هاوشێوه‌ی ساڵانی پێشوو ئه‌م یاده‌ نه‌كه‌ینه‌وه‌".