مەودا میدیا-

کۆمپانیای بەبازاڕکردنی نەوتی عیراق (سۆمۆ) رایدەگەیەنێت بەپێی پرۆژەی یاسای بودجە و ئەو رێککەوتنەی لە نێوان بەغدا و ھەولێر کراوە، دەبێت رۆژانەی ھەرێمی کوردستان لایەنی کەم 400 ھەزار بەرمیل نەوت رادەستی حکومەتی ناوەند بکات.

ئەمڕۆ شەممە 22ی تەموزی 2023 کۆمپانیای بەبازاڕکردنی نەوتی عیراق (سۆمۆ) رایگەیاند "بەپێی پرۆژەی یاسای بودجە و ئەو رێککەوتنەی لە نێوان بەغدا و ھەولێر کراوە، دەبێت رۆژانەی ھەرێمی کوردستان لایەنی کەم 400 ھەزار بەرمیل نەوت رادەستی حکومەتی ناوەند بکات، داھاتەکەشی لە بانکی ناوەندی عیراقی دادەنرێت و مانگانە حکومەتی عیراق بودجەی ھەرێم دابیندەکات، به‌ڵام تائێستا ئەو بڕیارە وه‌ك خۆى جێبه‌جێ نه‌كراوه‌".

شاندی حکومەتی هەرێمی کوردستان لە بەغدا رایگەیاند "لە 25ی حوزیرانەوە رۆژانە 50 بۆ 60 ھەزار بەرمیل نەوتیان رادەستی حکومەتی فیدراڵ کردووە، لە کۆنووسی کۆتاییشدا وەزارەتی نەوتی عیراق ئەوەی پشتڕاستكردووه‌ته‌وه‌".

س.ر