مەودا میدیا-

بەڕێوەبەری گشتی تەندروستی پارێزگای سلێمانی نوسراوێكی بەپەلەی ئاراستەی وەزیری تەندروستی حكومەتی هەرێمی كوردستان و پارێزگاری سلێمانی كردووە بۆ گرتنەبەری رێكاری توند لە مەرزی باشماخ.

لە نوسراوەكەی بەڕێوەبەرایەتی گشتی تەندروستی پارێزگای سلێمانی كە واژووی سەباح هەورامی، بەڕێوەبەری گشتی بەسەرەوەیە هاتووە "دوای ئەوەی سەردانێكی مەیدانیمان بۆ مەرزی باشماخ ئەنجامدا دەركەوت تێكەڵی لەنێوان شۆفێرانی ئێران و هەرێمی كوردستان هەیە پێویستە بەخێرایی دوو بڕیار بدرێت".

داواشی كردووە هەرچی زووە "تەنیا رێگە بە هاوردەكردنی خۆراك و پێویستی پزیشكی بدرێت، هەروەها سنورداركردنی هێنانی سوتەمەنی بۆ سنورەكە بەپێی پێویستی".