مەودا میدیا - 

 

بانکی ناوەندیی عیراق رایدەگەیەنێت ئێمە بەردەوامین لە خستنەڕووی دۆلار بە بەها فەرمییەکەی بۆ بانک و کۆمپانیاکان و هەر کەسێکیش دەستکاری بەهاکەی بکات و بەرزی بکاتەوە ئەوا بەرپرسیاریەتیی دەکەوێتە ئەستۆ.

 

ئەمڕۆ یەکشەممە 23ی تەموزی 2023 بانکی ناوەندیی عیراق رایگەیاند "تاوەکو ئێستا ئێمە رۆژانە بەردەوامین لە خستنەڕووی دۆلار بە بەهای فەرمیی خۆی بەو کۆمپانیا و بانکانەی کە مۆڵەتی فەرمییان هەیە و لە ئەگەری دەستکاریکردن و بەرزکردنەوەی نرخەکەیدا بەرپرسیارییەتی دەکەوێتە ئەسۆی بانک و کۆمپانیاکە".

 

باسی لەوەشکردووە "بەهای فەرمیی دۆلار بەرانبەر بە دینار بە هەزار و 320 دینار دیاریکراوە و ئێمەش هەر بەو شێوازە تاوەکو ئێستا داومانەتە بانک و کۆمپانیاکان".

 

ئەوەشی خستووەتەڕوو "هاوڵاتییان دەتوانن سکاڵا لە هەر نووسینگەیەکی ئاڵوگۆڕی دراو بکەن کە بزانن بەهای دۆلاری بەرزکردووەتەوە و لەبەرانبەریشدا رێکاری یاسایی بەرانبەریان دەگیرێتەبەر".

 

بانکی ناوەندی جەختیش کردووەتەوە "گەر هاتوو ئەو بەرزکردنەوەی بەهای دۆلارە بەسەر ئەو نووسینگانەدا ساغبووەوە، ناچارن قەرەبووی زیانلێکەوتووان بکەنەوە".

ر.ع