مەودا میدیا-

وەزارەتی ئەوقافی حكومەتی هەرێمی كوردستان لەسەر شكاندنی گۆڕی كاكەییەكان لە هەولێر راگەیەندراوێكی بڵاوكردەوە و بە كارێكی نامرۆڤانەی دادەنێت.

لە راگەیەندراوەكەی وەزارەتی ئەوقاف و كاروباری ئایینی حكومەتی هەرێمی كوردستان هاتووە " بە داخەوە شەوی ڕابردوو ١٥ ئازار چەند كەسێكی نا مرۆڤ و دژ بەئاشتی كۆمەڵایەتی هەڵساون بەشێواندنی گۆرستانی تایبەت بە كاكەییەكان لە ناوچەی سوفەییە لە شاری هەولێر".

ئاماژە بەوەشكراوە " بەتوندی ئیدانە ی ئەم جۆرە كردەوە ترسنۆ كانەیە دەكەین داواش لە دەزگاكانی ئاسایش و پۆلیس دەكەین بكەرانی ئەم كرەدەوە تێكدەرانەیە بدۆزنەوەو رووبەڕووی یاسابكرێنەوە".