مەودا میدیا-

بەیانی ئەمڕۆ سێ شەممە توشبوویەكی تری ڤایرۆسی كۆرۆنا لە شاری بەسرە گیانی لەدەستدا و ژمارەی گیان لەدەستدان بۆ 11 كەس لە عیراق بەرزبووەوە.

بەڕێوەبەرایەتی تەندروستی بەسرە بڵاویكردەوە "توشبوویەكی ڤایرۆسی كۆرۆنا كە لە ماوەی رابردوو هەڵگری ڤایرۆسەكە بوو، گیانی لەدەستداوە".

ئاماژە بەوەشكراوە "ئەو هاوڵاتیەی دانیشتوی شاری بەسرەیە و بەوەش تائێستا دوو كەس لە شارەكە گیانیان لەدەستداوە".

پێشتر وەزارەتی تەندروستی عیراق رایگەیاند، تائێستا 133 كەس لە عیراق توشی كۆرۆنا بوون و دوێنێش حەوت كەس تۆماركران، تائێستاش 11 كەس مردوون.