مەودا میدیا - 

 

وتەبێژی وەزارەتی پەروەردەی عیراق رایدەگەیەنێت لە هۆڵی تاقیکردنەوەکاندا دایکێک منداڵێکی بووە و فەرمانبەرانی هۆڵەکەش هاوکاربوون لە لەدایکبوونیدا.

 

ئەمڕۆ سێشەممە 22ی ئابی 2023 کەریم سەید، وتەبێژی وەزارەتی پەروەردەی عیراق رایگەیاند " لەکاتی ئەنجامدانی تاقیکردنەوەکانی خولی دووەمدا، لە پەروەردەی رەسافەی سێ، ژنێکی دووگیان لەناو هۆڵی تاقیکردنەوەکاندا منداڵێکی بووە".

 

باسی لەوەشکردووە "فەرمانبەران و سەرپەرشتیارانی پەروەردەیی هاوکاری دایکەکە بوون و ئاسانکارییان بۆ دایکەکە کردووە تاوەکو منداڵەکە لەدایک بێت، پیرۆزباییمان بۆ دایکی منداڵەکە هەیە و هیوای تەندروستی و سەلامەتیش بۆ منداڵەکە و دایکی دەخوازین".

ر.ع