مەودا میدیا-

ئەوانەی بەهۆی ڤایرۆسی كۆرۆناوە زیانیان بەركەوتووە لە لایەن حكومەتی ئێرانەوە قەرەبوو دەكرێنەوە بە بڕێك تمەن.

بەپێی هەواڵێكی ئاژانسی وزە و ئابوری ئێران "دامەزراوەی بودجەی ئێران بڕیاریداوە قەرەبوو ژمارەیەكی زۆر لە هاوڵاتی ئێران بكاتەوە كە لە ماوەی رابردوودا بەهۆی ڤایرۆسی كۆرۆناوە توشی زیان بوون".

ئاماژە بەوەشكراوە "ئەوانەی بەر ئەو قەرەبووە دەكەون ژمارەیان سەرو 3 ملیۆن كەس دەبێت، بڕی پارەكەش بەشێوەی نەقدی و دەچێتە سەر حساب بانكیەكانیان".

باس لەوەشكراوە "بڕی قەرەبووەكە لە 200 هەزار تمەنەوە دەست پێدەكات و بەپێی ژمارەی خێزان تا سەرو 600 هەزار تمەن دەبێت".