مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی دوو تۆمەتباری راگەیاند بە تۆمەتی ئەنجامدانی کاری ساختە.

بەڕێوەبەرایەتی پۆلیسی سلێمانی رایگەیاند "دوای‌ ئه‌وه‌ی‌ زانیاری‌ گه‌یشته‌ ده‌ست هێزه‌كانی‌ پۆلیس كه‌  دوو کەس بەڵگەنامەی ساختەیان پێ بووە، مه‌فره‌زه‌كانی‌ نوسینگه‌ی‌ به‌كره‌جۆی‌ به‌شی‌ پۆلیسی نه‌هێشتنی‌ تاوان لێكۆڵینه‌وه‌و به‌دواداچونه‌كانیان ده‌سپێكردو سه‌ره‌نجام توانرا له‌ماوه‌یه‌كی‌ كه‌مدا بدۆزرێنه‌وه‌و ده‌ستگیربكرێن".

ئاماژە بەوەکراوە "له‌ئێستادا تۆمه‌تباران (س، س، ح)  و (د، ص،ا) به‌بڕیاری‌ دادوه‌ر و به‌پێی‌ ماده‌كانی‌ 289- 298 راگیراون و لێكۆڵینه‌وه‌ له‌گه‌ڵیان به‌رده‌وامه‌، هه‌ردوو تۆمه‌تبار پێشینه‌ی‌ تاوانیان هه‌یه‌".

س،ر