مەودا میدیا - 

 

بەڕێوەبەرایەتیی گشتیی کارەبای سلێمانی رایدەگەیەنێت نرخی کیلۆواتی کارەبای مۆلیدەی سیتییەکان بە 276 دینار دیاریکراوە بۆ هەر کیلۆواتێک.

 

ئەمڕۆ سێشەممە 29ی ئابی 2023 بەڕێوەبەرایەتیی گشتیی کارەبای سلێمانی رایگەیاند "لیژنەی باڵای دیاریکردنی نری کارەبای کۆمەڵگەکانی نیشتەجێبوون کۆبوونەوە و تێیدا نرخی کیلۆواتی کارەبای مۆلیدەکانی بۆ ئەم مانگە بە 276 دینار بۆ هەر کیلۆواتێک دیاریکرد".

 

باسی لەوەشکردووە "نوێنەری ئەنجومەنی سیتییەکانی ناوشاری سلێمانی ئامادەبوون لەنێو کۆبوونەوەکەدا، بەپێی توێژینەوەکان بۆ خەرجی مۆلیدەی سیتییەکان و نرخی گازوایل ئەو نرخە دانراوە کە 276 دینارە".

 

روونیشی کردووەتەوە "مانگی تەموزی رابردوو نرخی هەر کیلۆواتێک 274 دینار بوو و لەم مانگەدا دوو دینار بەرزتر بووەتەوە، پێویستیشە سەرجەم سیتییەکان پابەندبن بەم نرخەوە".

 

جەختیشی کردووەتەوە "ئاگاداری سیتییەکان دەکەینەوە کە نابێت لەو نرخە زیاتر لە هاوڵاتییان وەربگرن و بەپێچەوانەوە رووبەڕووی رێکاری یاسایی دەبنەوە و سزادەدرێن".

ر.ع