مەودا میدیا - 

 

بەڕێوەبەرایەتیی کەشناسی و بومەلرزەزانیی هەرێم رایدەگەیەنێت ئاسمانی ئەمڕۆ پەڵە هەور دەبێت و لە ناوچە شاخاوییەکانیش نیمچە هەور دەبێت و کەمێک باران دەبارێت.

 

ئەمڕۆ سێشەممە 29ی ئابی 2023 بەڕێوەبەرایەتیی کەشناسی و بومەلرزەزانیی هەرێمی کوردستان رایگەیاند "بەپێی پێشبینییەکان ئاسمان پەڵە هەور دەبێت و لە ناوچە شاخاوییەکان نیمچە هەور دەبێت لەگەڵ کەمێک باران بارین لە ناوچە شاخاوییەکانی باکووری رۆژئاوای هەرێم".

 

باسی لەوەشکردووە "پلەکانی گەرما لەچاو رۆژانی رابردوودا یەک تاوەکو سێ پلە نزمتر دەبێتەوە و کەشو هەوا فێنکتر دەبێت بە ماوەکانی پێشوو".

 

روونیشی کردووەتەوە "کەشوهەوای سبەینێ چوارشەممە گۆڕانکاریی بەسەردا دێت و ئاسمان دەگۆڕێت بۆ پەڵە هەور و نیمچە هەور دەبێت و ئەگەریش هەیە بارانێکی کەم لە ناوچە شاخاوییە سنوورییەکانی باکووری رۆژهەڵات ببارێت".

 

بەرزترین پلەی گەرمای پێشبینیکراو بە پلەی سیلیزی:

 

هەولێر: 38 پلەى سیلیزى

 

سلێمانی: 36 پلەى سیلیزى

 

دهۆک: 36  پلەى سیلیزى

 

کەرکوک : 41 پلەى سیلیزى

 

هەڵەبجە : 39 پلەى سیلیزى

 

زاخۆ:  38 پلەى سیلیزى

 

حاجی ئۆمەران : 27 پلەى سیلیزى

 

سۆران : 36  پلەى سیلیزى

ر.ع