مەودا میدیا-

وه‌زاره‌تی ناوخۆی حكومه‌تی هه‌رێمی كوردستان بڕیاری نوێی له‌ باره‌ی ئه‌و شۆفێر انە و ئۆتۆمبێله‌كانیان ده‌ركرد كه‌ سه‌رپێچی بڕیاری قه‌ده‌غه‌ی هاتووچۆ ده‌كه‌ن.

وەزارەتی ناوخۆی حکومەتی هەرێمی کوردستان  ئه‌مڕۆ سێشه‌ممه‌ 17ی ئاداری 2020 بڕیارێکی تایبەتی بەو شۆفێرانە و ئۆتۆمبێلەکانیان دەرکرد کە سەرپێچی بڕیاری قەدەغەکردنی هاتووچۆ دەکەن له‌ بڕیاره‌كه‌دا هاتووە "ئه‌گه‌ر بۆ جاری یه‌كه‌م پێشێلی هاتووچۆ بكه‌ن ئه‌وا 100 هه‌زار دینار سزا ده‌درێن".

هەروەها ئاماژە بەوەشکراوە "ئەگەر بۆ جاری دووه‌م شۆفێران سەرپێچی بکەن بە بڕی 300 هه‌زار دینار سزا دەدرێن و ماوه‌ی 5 رۆژیش ئۆتۆمبێله‌كه‌یان ده‌ستی به‌سه‌ردا ده‌گیرێت، هەروەها لە ئەمڕۆشەوە بڕیارەکە دەچێتە بواری جێبەجێکردنەوە".