مەودا میدیا-

لە نزیک فڕۆکەخانەی نێودەوڵەتی بەغدا شەوی رابردوو دوو موشەک کەوتنە خوارەوە.

شانەی راگەیاندنی جەنگی رایگەیاند "شەوی رابردوو دوو موشەک لە جۆری کاتیوشا لە نزیک فڕۆکەخانەی نێودەوڵەتی بەغدا کەوتوونەتە خوارەوە".

سەبارەت بە زیانەکانی شانەی راگەیاندنی جەنگی ئەوەشی خستووەتەروو "کە موشەکەکان لە شوێنێکی چۆڵ کەوتوونە خوارەوە و هیچ زیانێکیان نەبووە".

ئەمەش لەكاتێكدایە، شەوی 8ی کانونی یەکەمی 2019 بەھۆی كەوتنە خوارەوەی چوار موشەك شەش كەس برینداربوون لە فڕۆكەخانەی نێودەوڵەتی بەغدا.